اسلام آباد (ڈیجیٹل پوسٹ) وزیر مملکت برائے قانون و انصاف بیرسٹر عقیل ملک کی جمہوریہ کوریا کے قومی دن اور یومِ مسلح افواج کی تقریب میں شرکت

اسلام آباد، 22 اکتوبر 2026ء: (ڈیجیٹل پوسٹ) وزیر مملکت برائے قانون و انصاف بیرسٹر عقیل ملک نے جمہوریہ کوریا کے قومی دن اور یومِ مسلح افواج کے موقع پر منعقدہ استقبالیہ تقریب میں شرکت کی۔ تقریب میں وفاقی وزیر برائے پارلیمانی امور ڈاکٹر طارق فضل چوہدری، پاکستان میں جمہوریہ کوریا کے سفیر عزت مآب ہان سنگ ہو (Han Sungho) اور سفارتی کور کے ارکان بھی شریک ہوئے۔

تقریب میں پاکستان اور جمہوریہ کوریا کے درمیان دیرینہ دوستانہ تعلقات اور بڑھتی ہوئی شراکت داری کو اجاگر کیا گیا، جو باہمی احترام، مشترکہ مفادات اور امن، استحکام و خوشحالی کے فروغ کے عزم پر مبنی ہے۔

اس موقع پر بیرسٹر عقیل ملک نے پاکستان اور جمہوریہ کوریا کے درمیان دوطرفہ تعلقات کو مزید مضبوط بنانے کی اہمیت پر زور دیا، خصوصاً اقتصادی تعاون، تجارت، سرمایہ کاری اور ادارہ جاتی روابط کے فروغ کے حوالے سے۔ انہوں نے کہا کہ دونوں ممالک کے درمیان مسلسل رابطے اور تعاون مختلف شعبوں میں باہمی مفاد کے نئے مواقع پیدا کر سکتے ہیں۔

وزیر مملکت نے اس موقع پر حکومت اور عوامِ جمہوریہ کوریا کے لیے نیک تمناؤں کا اظہار کرتے ہوئے دونوں ممالک کے درمیان دیرینہ دوستی اور دوستانہ تعلقات کو مزید گہرا کرنے کے لیے پاکستان کے عزم کا اعادہ کیا۔