اسلام آباد (ڈیجیٹل پوسٹ) پولیس کا مختلف علاقوں میں گرینڈ سرچ اینڈ کومنگ آپریشن۔سرچ آپریشن کے دوران 486افراد،191 گھرانوں،28 ہوٹلوں،35دکانیں، 216موٹر سائیکلوں اور 52 گاڑیوں کو چیک کیا گیا

اسلام آباد (ڈیجیٹل پوسٹ) پولیس کا مختلف علاقوں میں گرینڈ سرچ اینڈ کومنگ آپریشن۔سرچ آپریشن کے دوران 486افراد،191 گھرانوں،28 ہوٹلوں،35دکانیں، 216موٹر سائیکلوں اور 52 گاڑیوں کو چیک کیا گیا جبکہ جانچ پڑتال کیلئے 04 اشتہاریوں سمیت 63 مشکوک افراد، 01 گاڑٰی اور16موٹر سائیکلوں کوبھی تھانہ جات منتقل کیا گیا۔تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات کی روشنی میں اسلام آباد پولیس کا وفاقی دارلحکومت میں جرائم کے انسداد اور جرائم پیشہ عناصر کی سرکوبی کیلئے مختلف علاقوں میں سرچ اور کومنگ آپریشنز کا سلسلہ جاری ہے۔اس سلسلے میں ایس ایس پی آ پر یشنز اسلام آ باد قاضی علی رضا کی سپر ویژن میں زونل ایس پیز کی زیرنگرانی مختلف علاقوں میں گرینڈ سرچ اورکومنگ آپریشن کیا گیا۔ سرچ آپریشن کے دوران 486افراد،191 گھرانوں،28 ہوٹلوں،35دکانیں، 216موٹر سائیکلوں اور 52 گاڑیوں کو چیک کیا گیا جبکہ جانچ پڑتال کیلئے چار اشتہاریوں سمیت 63 مشکوک افراد، ایک گاڑی اور16موٹر سائیکلوں کوبھی تھانہ جات منتقل کیا گیا۔مزید براں منشیات فروشی میں ملوث تین ملزمان کو گرفتار کر کے ان کے قبضہ سے 1,650 گرام آئس،1,260گرام ہیروئن اور120 بوتلیں شراب بھی برآمد کی گئی۔ایس ایس پی آپر یشنز اسلام آ باد قاضی علی رضانے کہا کہ سرچ آپریشن کا مقصد جرائم پیشہ عناصر کے گرد گھیرا تنگ کرنااور شہر بھرمیں سکیورٹی کو موثر بنانا ہے، سرچ آپریشنز ضلع بھر کے مختلف علاقوں میں کئے جارہے ہیں۔ اسلام آباد پولیس کا جرائم پیشہ عناصر، قبضہ مافیا اور منشیات فروشوں کیخلاف بلاتفریق کارروائیوں کا سلسلہ جاری ہے۔شہریوں سے گزارش ہے کہ کسی بھی مشکوک سرگرمی کے متعلق متعلقہ تھانہ، ایمرجنسی ہیلپ لائن”پکار-”15پر فوری اطلاع دی