اسلام آباد (ڈیجیٹل پوسٹ) اسحاق ڈار کی چینی سفیر سے ملاقات، خطے میں امن کیلئے سفارت کاری پر زور

اسلام آباد (ڈیجیٹل پوسٹ) نائب وزیرِ اعظم/وزیرِ خارجہ سینیٹر محمد اسحاق ڈار نے آج دوپہر عوامی جمہوریہ چین کے سفیر، عزت مآب جناب جیانگ زائیڈونگ سے ملاقات کی۔
نائب وزیرِ اعظم/وزیرِ خارجہ نے مشرقِ وسطیٰ اور مغربی ایشیا میں پائیدار امن اور استحکام کے حصول کے لیے مکالمے اور سفارت کاری کے فروغ کے حوالے سے پاکستان کے مستقل عزم کو اجاگر کیا۔
سفیر جیانگ زائیڈونگ نے مشرقِ وسطیٰ اور خلیجی خطے میں امن و سلامتی کے فروغ میں پاکستان کے تعمیری کردار پر حکومتِ چین کی گہری قدردانی کا اظہار کیا۔
دونوں فریقین نے اس امید کا اظہار کیا کہ جاری کوششیں تمام فریقوں کے مفاد میں خطے میں دیرپا امن اور سلامتی کا باعث بنیں گی۔