اسلام آباد(ڈیجیٹل پوسٹ) ون ونڈو میں شہریوں کو تمام سہولیات فراہم کی جائیں، چیئرمین سی ڈی اے کی ہدایت

چیئرمین سی ڈی اے محمد علی رندھاوا نے سی ڈی اےون ونڈو کا اچانک دورہ کیا اور ہدایت کی کہ ون ونڈو آنے والے سائلین کو تمام سہولیات فراہم کی جائیں، ون ونڈو میں سائلین کے بیٹھنے کے لئے مناسب انتظام کیا جائے۔

چیئرمین سی ڈی اے نے کہا کہ موسم گرما میں ون ونڈو آپریشنز آنے والے سائلین کے لئے تمام سہولیات کی فراہمی کو یقینی بنایا جائے، تمام افسران و ملازمین کی حاضری کو میں یقینی بنانے کی ہدایت کی گئی۔

چیئرمین سی ڈی اے نے کہا کہ ون ونڈو کا مقصد شہریوں کو ایک چھت تلے تمام سہولیات فراہم کرنا ہے، ون ونڈو میں شہریوں کو تمام سہولیات فراہم کی جائیں،
ڈیجیٹلائزیشن کے عمل کے بعد ون ونڈو کی افادیت میں مزید اضافہ ہو جائے گا،
چوہدری محمد علی رندھاوا نے کہا کہ ون ونڈو اور اس سے متعلقہ شعبوں میں بیٹھنے کے لیے جگہوں کو مزید بہتر کیا جائے۔