اسلام آباد (ڈیجیٹل پوسٹ) فیلڈ مارشل، چیف آف آرمی اسٹاف اور چیف آف ڈیفنس فورسزسید عاصم منیر نے تربیلا میں ہیڈ کوارٹرز اسپیشل سروسز گروپ کا دورہ کیا

اسلام آباد (ڈیجیٹل پوسٹ) فیلڈ مارشل، چیف آف آرمی اسٹاف اور چیف آف ڈیفنس فورسزسید عاصم منیر نے تربیلا میں ہیڈ کوارٹرز اسپیشل سروسز گروپ کا دورہ کیا’ جی او سی ایس ایس جی نے ان کا استقبال کیا’چیف آف آرمی اسٹاف اور چیف آف ڈیفنس فورسز نے یادگارِ شہداء پر پھولوں کی چادر چڑھائی اور فاتحہ خوانی کی، اور مادرِ وطن کے دفاع میں جامِ شہادت نوش کرنے والے ایس ایس جی کے جوانوں کو خراجِ تحسین پیش کیا’انہیں ایس ایس جی کی خصوصی تربیت، آپریشنل تیاریوں اور مشن کے لیے ہمہ وقت مستعد رہنے کے امور پر بریفنگ دی گئی۔ انہوں نے جدید ترین خصوصی آلات کا معائنہ کیا اور ایس ایس جی کی جنگی مہارت، پھرتی اور خصوصی آپریشنز کی انجام دہی میں انتہائی درستگی کے مظاہرے کا مشاہدہ کیا’افسران اور جوانوں سے گفتگو کرتے ہوئے، چیف آف آرمی اسٹاف اور چیف آف ڈیفنس فورسز نے ان کی پیشہ ورانہ مہارت، بلند حوصلے اور فرض سے غیر متزلزل لگن کو سراہا۔ انہوں نے اس بات پر زور دیا کہ مسلسل تربیت، مقامی سطح پر صلاحیتوں کا فروغ اور آپریشنل تیاریوں پر غیر سمجھوتہ توجہ مرکوز رکھنا، بدلتے ہوئے سکیورٹی خطرات اور ابھرتے ہوئے چیلنجوں کے خلاف برتری برقرار رکھنے کے لیے ناگزیر ہے