اسلام آباد (ڈیجیٹل پوسٹ) فیڈرل انوسٹیگیشن ایجنسی، اسلام آباد زون

اسلام آباد (ڈیجیٹل پوسٹ) ایف آئی اے اینٹی ہیومن ٹریفکنگ سرکل اسلام آباد کی کارروائی — لائبہ اعجاز کیس میں ‏ایف آئی اے میں مقدمہ درج، ملزمان کی گرفتاری کے لیے چھاپے جاری

اسلام آباد: ایف آئی اے اینٹی ہیومن ٹریفکنگ سرکل اسلام آباد نے انکوائری نمبر RE-837/2026 کی تکمیل کے بعد لائبہ اعجاز کیس میں ملزمان محمد نعمان ولد بدی الزمان اور فاطمہ سرور کے خلاف مقدمہ نمبر FIR-AHTC-ICT-977/26 مورخہ 10 اکتوبر 2026 بموجب دفعات 419، 420 اور 109 پی پی سی بمع دفعات 18 اور 22 ایمیگریشن آرڈیننس 1979 کے تحت درج کر لیا ہے۔

ابتدائی تحقیقات سے ثابت ہوا کہ ملزمان نے باہمی ملی بھگت سے شکایت کنندہ امجد الرحمٰن کی بھانجی لائبہ اعجاز سے امریکہ ویزا فراہم کرنے اور اسکالرشپ دلوانے کے بہانے 93 لاکھ روپے وصول کیے۔ ملزمان نے جعلی اسکالرشپ ایوارڈ لیٹرز، یونیورسٹی ایڈمیشن آفر لیٹرز اور فیس پیمنٹ رسیدیں تیار کر کے متاثرہ خاندان کو دھوکے میں رکھا۔ 29 لاکھ روپے لائبہ اعجاز کے بینک اکاؤنٹ کے ذریعے اور باقی رقم نقد ادا کی گئی۔ اس سنگین مالی دھوکہ دہی اور ذہنی اذیت کے نتیجے میں متاثرہ لائبہ اعجاز انتقال کر گئیں۔

ڈائریکٹر ایف آئی اے اسلام آباد زون کی زیر نگرانی ملزمان کی گرفتاری کے لیے مختلف مقامات پر چھاپے مارے جا رہے ہیں۔ مقدمے کی تفتیش سب انسپکٹر زبیر کمال انجام دیں گے اور مقدمے ملوث میں کسی بھی دیگر شخص کے کردار کا تعین دوران تفتیش کیا جائے گا۔

ایف آئی اے اسلام آباد زون کا عزم ہے کہ لائبہ اعجاز کے ساتھ ہونے والے اس سنگین جرم میں ملوث تمام عناصر کو قانون کے کٹہرے میں لایا جائے گا۔