اسلام آباد (ڈیجیٹل پوسٹ) اینٹی نارکوٹکس فورس کی منشیات اسمگلنگ میں ملوث بین الصوبائی نیٹ ورک کے خلاف بیک وقت کئی شہروں میں 11کارروائیاں۔
Share
اسلام آباد (ڈیجیٹل پوسٹ) اینٹی نارکوٹکس فورس کی منشیات اسمگلنگ میں ملوث بین الصوبائی نیٹ ورک کے خلاف بیک وقت کئی شہروں میں 11کارروائیاں۔
نجی کوریئر سروس کے ذریعے الیکٹرانک مشینری میں چھپا کر اسمگل کی جانے والی بھاری مقدار میں منشیات برآمد۔
اینٹی نارکوٹکس فورس نے بین الصوبائی منشیات اسمگلنگ میں ملوث نیٹ ورک کے خلاف کارروائی کرتے ہوئے گروہ کے سرغنہ سمیت 6 ملزمان کو گرفتار کرکے بھاری مقدار میں منشیات برآمد کر لیں۔اے این ایف نے خفیہ معلومات کی بنیاد پر بین الصوبائی منشیات اسمگلنگ نیٹ ورک کے خلاف کارروائی کرتے ہوئے گروہ کے سرغنہ کو پشاور سے گرفتار کر لیا۔دوران تفتیش ملزم سے حاصل شدہ معلومات کی بنا پر مختلف شہروں میں بیک وقت 11انٹیلی جنس بیسڈ آپریشنز میں کہوٹہ،راولپنڈی، لاہور، حیدرآباد، سرگودھا اور رحیم یار خان میں واقع نجی کوریئر کمپنیز کے دفاتر پر چھاپے مارے گئے۔ان کارروائیوں کے نتیجے میں مختلف اقسام کی الیکٹرانک مشینری میں مہارت سے چھپائی گئی بھاری مقدار میں منشیات برآمد کر لی گئیں۔برآمد شدہ منشیات میں مجموعی طور پر 47.600 کلو گرام چرس اور 7.200 کلو گرام افیون شامل ہے۔ منشیات سولر انورٹر کیسنگ، جوسر مشین، بیٹری چارجر اور ٹول باکس کے اندر چھپائی گئی تھی۔
اینٹی نارکوٹکس فورس کی منشیات اسمگلنگ کے خلاف موثر اوربروقت کارروائی محکمے کی پیشہ ورانہ مہارت اور تربیت کی عکاس ہے۔معاشرے خصوصاً نوجوان نسل کو منشیات کے ناسورسے پاک رکھنے کے لئے اے این ایف پوری قوت کے ساتھ سرگرم عمل ہے۔ گرفتار ملزم کے خلاف انسدادِ منشیات ایکٹ کے تحت مقدمہ درج کر لیا گیا ہے، جبکہ گروہ کے دیگر ارکان کی گرفتاری کیلئے مزید تفتیش جاری ہے۔
