بورے والا / اسلام آباد (ڈیجیٹل پوسٹ) میجر طفیل محمد شہید نشان حیدر کی68 ویں برسی عقیدت و احترام سے منائی گئی

بورے والا / اسلام آباد (ڈیجیٹل پوسٹ) میجر طفیل محمد شہید نشان حیدر کی68 ویں برسی عقیدت و احترام سے منائی گئی’ شہید کے مزار پر ایک خصوصی تقریب منعقد کی گئی’ جس میں پاک فوج کے افسران’ ضلعی انتظامیہ’ سول سوسائٹی کے نمائندے اور خاندان کے افراد نے شرکت کی’ پاک فوج کے کے چاق و چوبند دستے نے سلامی پیش کی۔ شہید کے مزار پر پھولوں کے گلدستے رکھے گئے’ افواج پاکستان، فیلڈ مارشل، نیول چیف اور ائیرچیف کی جانب سے میجر طفیل محمد شہید نشان حیدر کو خراج عقیدت پیش کیا گیا ہے’ میجر طفیل محمد شہید نے دشمن کےخلاف کارروائی کی قیادت کرتے ہوئے غیرمعمولی بہادری اور عزم کامظاہرہ کیا، میجر طفیل نے شدید زخمی ہونے کے باوجود ناقابلِ تسخیرحوصلے اور ثابت قدمی کے ساتھ مقابلہ جاری رکھا اور مشن کی تکمیل کو کامیابی سے یقینی بنایا’میجر طفیل کی بے مثال بہادری، عظیم قربانی کے اعتراف میں انہیں ملک کےاعلیٰ ترین فوجی اعزازنشانِ حیدرسےنوازا گیا ہے’ میجر طفیل شہید کی جرأت، حب الوطنی، لازوال قربانی کی میراث نسلوں کو متاثر کرتی رہےگی اور ان کی جرأت، حب الوطنی، لازوال قربانی وطن کے تمام محافظوں کے لیے مشعلِ راہ بنی رہے گی