اسلام آباد (ڈیجیٹل پوسٹ): ایس پی سٹی زون ڈاکٹر ایاز حسین نے بہترین پیشہ ورانہ کارکردگی دکھانے والے سٹی زون کے ایس ایچ اوز اور محرران کے اعزاز میں ایک تقریب کا انعقاد کیا

اسلام آباد (ڈیجیٹل پوسٹ): ایس پی سٹی زون ڈاکٹر ایاز حسین نے بہترین پیشہ ورانہ کارکردگی دکھانے والے سٹی زون کے ایس ایچ اوز اور محرران کے اعزاز میں ایک تقریب کا انعقاد کیا۔ اس موقع پر انہوں نے افسران کی غیر معمولی خدمات اور جرائم کے خاتمے کے لیے ان کی کوششوں کے اعتراف میں انہیں تعریفی اسناد سے نوازا۔

ڈاکٹر ایاز حسین نے افسران کی پیشہ ورانہ صلاحیتوں کی تعریف کرتے ہوئے اس بات پر زور دیا کہ پولیس فورس کا اصل اثاثہ اس کے محنتی اور فرض شناس افسران ہیں۔ انہوں نے مزید ہدایات جاری کرتے ہوئے کہا:

    “عوام کے جان و مال کا تحفظ ہماری اولین ترجیح ہے۔ تمام افسران مزید محنت، لگن اور دیانتداری کے ساتھ اپنے فرائض سر انجام دیں تاکہ معاشرے میں امن و امان کی صورتحال کو مزید بہتر بنایا جا سکے۔”

تقریب کے اختتام پر افسران نے اس عزم کا اظہار کیا کہ وہ عوامی خدمت کے مشن کو اسی جذبے کے ساتھ جاری رکھیں گے۔