بالاکوٹ (ڈیجیٹل پوسٹ) لاپتہ نوجوان کی سات ماہ بعد لاش برآمد

بالاکوٹ (ڈیجیٹل پوسٹ) سات ماہ قبل باڑی کا رہائشی نوجوان اورنگزیب پراسرار طور پر لاپتہ ہو گیا تھا، جس کی نعش آج کاغان کے علاقے جلگراں کے گھنے جنگل سے انتہائی مخدوش حالت میں برآمد ہوئی ہے۔
اطلاع ملنے پر ایس ایچ او کاغان اپنی ٹیم کے ہمراہ فوری موقع پر پہنچے، جہاں مقامی افراد بھی بڑی تعداد میں موجود تھے۔ پولیس نے شواہد کا جائزہ لینے کے بعد قانونی کارروائی مکمل کی اور نعش لواحقین کے حوالے کر دی۔
واقعے نے علاقے میں گہری تشویش کی لہر دوڑا دی ہے، جبکہ نوجوان کی ہلاکت کے محرکات جاننے کے لیے مزید تحقیقات جاری ہیں،