اسلام آباد (ڈیجیٹل پوسٹ) اسلام آباد پولیس کا وفاقی دارالحکومت میں موثر سیکیورٹی انتظامات

اسلام آباد (ڈیجیٹل پوسٹ) اسلام آباد پولیس کا وفاقی دارالحکومت میں موثر سیکیورٹی انتظامات۔سینئر افسران نے شہر کے مختلف گرجا گھروںاور ڈیوٹی پو ائنٹس کا دورہ کیا،ڈیو ٹی پر موجود پولیس افسران و جوانوں سے ملاقات کی اور سیکیورٹی انتظامات کو مزید بہتر بنانے کیلئے ہدایات جاری کیں۔تفصیلات کے مطابق انسپکٹر جنرل آف پولیس اسلام آباد سید علی ناصررضوی کے خصوصی احکامات کی روشنی میں اسلام آباد پولیس نے وفاقی دارالحکومت میں فول پروف سیکیورٹی کو یقینی بنانے کیلئے مو¿ثر اقدامات کئے ہیں،اس سلسلے میں سینئر افسران نے شہر کے مختلف گرجا گھروں اور ڈیو ٹی پو ائنٹس کا دورہ کیا اور موقع پر موجود پولیس افسران و اہلکاروں سے ملاقات کی، انہوں نے چیکنگ کے عمل کا جائزہ لیتے ہوئے کہاکہ شہریوں کی جان و مال کے تحفظ کے لیے چیکنگ کو مزید موثر اور بامقصد بنایا جائے،اس مو قع پر انہوں نے سیکیورٹی کے فرائض پر تعینات افسران کو ہدایت کی کہ وہ ہمہ وقت الرٹ رہیں، مشکوک افراد اور گاڑیوں کی موثر چیکنگ کو یقینی بنائیں اور کسی بھی مشکوک سرگرمی کی فوری اطلاع متعلقہ حکام کو دیں،انہوں نے مزیدکہا کہ شہریوں سے خوش اخلاقی اور احترام کے ساتھ پیش آئیں تاکہ پولیس اور عوام کے درمیان اعتماد کے رشتے کو مزید مضبوط کیا جا سکے،شہریوں کے جان و مال کا تحفظ اسلام آباد پولیس کی اولین ترجیح ہے اور سیکیورٹی کے تمام اقدامات اسی مقصد کے تحت کیے جا رہے ہیں، شہریوں سے اپیل کی کہ وہ پولیس کے ساتھ بھرپور تعاون کریں اور کسی بھی مشکوک شخص یا سرگرمی کی اطلاع فوری طور پر متعلقہ پولیس اسٹیشن یا پولیس ہیلپ لائن پکار- 15پر دی