اسلام آباد: ایڈیشنل سیکرٹری جنرل پی ٹی آئی علی نواز اعوان کی گھر پر پولیس چھاپے کی مذمت

ایڈیشنل سیکرٹری جنرل پاکستان تحریک انصاف علی نواز اعوان نے اپنے گھر پر پولیس چھاپے کی مذمت کرتے ہوئے کہا ہے کہ پولیس سیاسی قوتوں کی آلہ کار بن کر عمران خان کا نام لینے والوں پر ساری توانائیاں صرف کررہی ہے، ظلم کے یہ دن ختم ہو جائیں گے مگر شاہ سے زیادہ شاہ کی وفادار اسلام آباد پولیس کا یہ کردار تاریخ میں سیاہ حروف میں لکھا جائے گا۔

اتوار کو اپنے ایک بیان میں انہوں نے کہا کہ میرے بھائی کو اغوا کرکے شاید دل نہیں بھرا، پھر سے گزشتہ رات میرے گھر پر اسلام آباد پولیس نے چھاپہ مارا، جہاں میری والدہ، بیوی بچے اور بہن (سپشل چائلڈ)رہتی ہیں، اسلام آباد میں جرائم کی شرح میں تیزی سے اضافہ ہورہا ہے، بجائے شہریوں کو جرائم پیشہ عناصر سے بچانے کا اپنا فرض نبھانے کے، اسلام آباد پولیس سیاسی قوتوں کی آلہ کار بن کر عمران خان کا نام لینے والوں پر ساری توانائیاں صرف کررہی ہے، ظلم کے یہ دن ختم ہو جائیں گے مگر شاہ سے زیادہ شاہ کی وفادار اسلام آباد پولیس کا یہ کردار تاریخ میں سیاہ حروف میں لکھا جائے گا