اسلام آباد (ڈیجیٹل پوسٹ) ایشین چیمپئنز ٹرافی ;پاکستان اور ملائشیا کا میچ 2-2 گول سے برابر

ایشین چیمپئنز ٹرافی ;پاکستان اور ملائشیا کا میچ 2-2 گول سے برابر,,,, ,,,
,.(اصغر علی مبارک).,,,,
,,,,,چین میں جاری ایشین چیمپیئنز ٹرافی ہاکی ٹورنامنٹ میں پاکستان اور ملائشیا کے درمیان کھیلا گیا میچ 2-2 گول سے برابر رہا۔یادرہےکہ چنائے ایشیئن چیمپیئنز ٹرافی ہاکی ٹورنامنٹ میں پاکستان کو اپنے پہلے میچ میں ملائیشیا کے ہاتھوں ایک کے مقابلے میں تین گول سے شکست ہوئی تھی,

چین کے شہر ہولین بیور میں 8 ستمبر کو ایشیئن چیمپیئنز ٹرافی ہاکی ٹورنامنٹ میں پاکستان اور ملائشیا کے درمیان میچ کھیلا گیا۔

پاکستان کی جانب سے پہلا گول 24ویں منٹ پر سفیان خان نے پینالٹی کارنر پر کیا جبکہ دوسرا فیلڈ گول 32ویں منٹ میں زکریا حیات نے اسکور کیا۔

پاکستان کو ایک موقع پر میچ میں 0-2 کی برتری حاصل تھی لیکن قومی ٹیم یہ برتری برقرار نہ رکھ سکی اور ملائیشیا نے میچ برابر کر کے پاکستان کی میچ جیتنے کی امیدوں پر پانی پھیر دیا۔ ملائیشیا کی جانب سے دونوں گول پینالٹی کارنر کے ذریعے کیے گئے، پہلا گول 38ویں منٹ میں فیصل ساری اور 56ویں منٹ میں ایمان نے اسکور کرکے میچ دو دو گول سے برابر کردیا۔

پاکستان کے کپتان کپتان عماد بٹ کو میچ کا بہترین کھلاڑی قرار دیا گیا۔ ایونٹ میں پاکستان کے علاوہ بھارت، کوریا، ملائشیا، جاپان اور چین کی ٹیمیں شرکت کررہی ہیں اور پاکستان اپنا دوسرا میچ 9 ستمبر کو پاکستانی وقت کے مطابق رات ساڑھے 10 بجے کوریا کے خلاف کھیلے گا۔