اسلام آباد(ڈیجیٹل پوسٹ) پی ٹی آئی ‏اسلام آباد ریجنل کے صدر عامر مغل گرفتار

پاکستان تحریک انصاف (پی ٹی آئی )اسلام آباد ریجنل کے صدر عامر مغل کو اسلام آباد پولیس نے گرفتار کر لیا گیا ۔
قبل ازیں اسلام آباد کی ضلعی انتظامیہ نے پاکستان تحریک انصاف(پی ٹی آئی ) کو 6 جولائی کو ترنول اسلام آباد میں جلسہ کرنے کی اجازت دے دی۔
اسلام آباد ہائیکورٹ کے جسٹس بابر ستار نے پی ٹی آئی کو اسلام آباد میں جلسے کی اجازت دینے سے متعلق درخواست پر سماعت کی ،اسٹیٹ کونسل نے عدالت کو بتایا کہ پی ٹی آئی کو ترنول چوک کے پاس 6 جولائی کو جلسے کی اجازت دے دی ہے۔
بعد ازاں اسلام آباد ہائی کورٹ نے این او سی جاری ہونے پر پی ٹی آئی رہنما عامر مغل کی درخواست نمٹا دی۔
گزشتہ روز تحریک انصاف کے رہنما عمر ایوب نے کہا تھا کہ 6 جولائی کو اسلام آباد میں تاریخی جلسہ کریں گے ، انہوں نے کہا تھا کہ جلسہ عمران خان کی رہائی کے لیے اور مہنگائی کے خلاف ہو گا۔