اسلام آباد(ڈیجیٹل پوسٹ) چیف ٹریفک آفیسراسلام آبادمحمد سرفراز ورک کی زیر صدارت اجلاس کا انعقاد

ازدفترافسرتعلقات عامہ
اسلام آباد پولیس
*******
چیف ٹریفک آفیسراسلام آبادمحمد سرفراز ورک کی زیر صدارت اجلاس کا انعقاد،
چیف ٹریفک آفیسرنے محرم الحرام میں ٹریفک انتظامات کا جائزہ لیا،پولیس افسران کو موثر ٹریفک پلان مرتب کرنے اور شہریوں کو ہر ممکن سفری سہولیات فراہم کرنے کے احکامات جاری کیے۔
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کی ہدایات کی روشنی میں چیف ٹریفک آفیسراسلام آبادمحمد سرفراز ورک نے ٹریفک پولیس ہیڈکوارٹرز میں اجلاس کا انعقاد کیا،اجلاس میں تمام زونل ڈی ایس پیز اور محرران نے شرکت کی،چیف ٹریفک آفیسرنے محرم الحرام میں ٹریفک انتظامات کا جائزہ لیا،انہوں نے پولیس افسران کو محرم الحرام میں شہریوں کوسفری سہولیات کی فراہمی ،جلوسوں کے روٹس پر ڈائیورشن اور دیگر اقدامات پر مشتمل موثر ٹریفک پلان تشکیل دینے کے احکامات جاری کیے،انہوں نے کہا کہ تمام پولیس افسران محرم الحرام میں اپنی ڈیوٹی پوری جانفشانی اور خدمت خلق کے جزبے سے سرشار ہو کر ادا کریں،شہرمیں جلوسوں کے متعین کردہ روٹس پر موثر ڈائیورشنز کا انتظام کیا جائے اور شہریوں کو متبادل رستے فراہم کئے جائیں،انہوں نے مزید کہا کہ تمام پولیس افسران وفاقی دارلحکومت میں ٹریفک کی روانی کو موثر بنانے ،شہریوں کو حادثات سے محفوظ رکھنے اور بہترین سفری سہو لیا ت مہیاکرنے کے لئے بہترین کارکردگی کا مظاہرہ کریں،تمام افسران ٹریفک کے متعلق عوامی سہولیات پر خصوصی توجہ دیں،چیف ٹریفک آفیسراسلام آبادنے کہا کہ بہترین کارکردگی دکھانے والے افسران کی حوصلہ افزائی بھی کی جائے گی،شہریوں کی جان و مال کا تحفظ اور ٹریفک کی روانی کو برقرار رکھنا ہماری اولین ترجیحات ہے۔