وزیراعظم شہباز شریف نا پوسکن آ اسلامی سال انا بناء آ مبارکباد

وزیراعظم شہباز شریف پوسکن آ اسلامی سال انا بناء آ مبارکبادی تسنے۔ پنچ شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ محرم الحرام چار مقدس و حرمت والا تُوتیٹی اوار ءِ۔ مچ آ دنیا حرمت والا دا چار تُوتے امن نا مون آ دننگ کن کاریم اٹ اتنگ کیک۔ نبی اکرم صلی اللہ علیہ و آلہ وسلم دا مبارک تُو انا خصوصی فضیلت ءِ بیان کرینے۔ اسلام آن مست ہم دا تُو انا حرمت مسلمہ ئسک۔ نواسہ رسول صلی اللہ علیہ و آلہ وسلم حضرت امام حسین علیہ السلام نا شہادت ہم ہندا تُو اٹی مس۔ وزیراعظم دعاکرے کہ اللہ تعالیٰ دامبارک تُو ءِ غٹ اکن خیروبرکت نا سوب کے، عبادت و روچہ غاتا بست وبند ءِ کننگ نا توفیق عطاکے